شحن داخل مصر
الشحن والتوصيل
بنحب إن تجربة الشراء معانا تكون سهلة وواضحة من أول لحظة لحد ما الأوردر يوصل لباب بيتك 🤍
علشان كده بنتعامل مع شركات شحن متخصصة في التوصيل داخل مصر، وحبينا نوضح ليكي خطوات الشحن والتوصيل بالكامل، علشان تبقى كل حاجة واضحة وتطلبي وإنتِ مطمنة. 🤍🤍
قبل شحن الأوردر
قبل ما نسلم الأوردر لشركة الشحن، بنتواصل معاكي الأول علشان نتأكد إن مناسب معاكي استلامه خلال الفترة الجاية.
وده بيساعدنا إنك تستلمي في وقت مناسب ليكي، ونتجنب أي تأخير أو رجوع للأوردر.
مدة التوصيل
بعد تسليم الأوردر لشركة الشحن، بيتم التوصيل خلال حوالي 3 أيام عمل.
ومدة التوصيل ممكن تختلف حسب المحافظة أو منطقة التوصيل.
قبل وصول الأوردر
قبل التسليم، مندوب شركة الشحن بيتواصل معاكي بوقت مناسب علشان يبلغك بميعاد وصول الأوردر.
ولو الميعاد مش مناسب، تقدري تنسقي مع المندوب على ميعاد تاني يناسبكم أنتم الاتنين.
لو احتجتي تأجلي الاستلام
شركة الشحن بتحاول توصل الأوردر بكل الطرق الممكنة، وعلشان كده بتقوم بمحاولة التواصل معاكي 3 مرات في أيام مختلفة.
وفي حالة عدم القدرة على التواصل بعد 3 محاولات، أو تأجيل الاستلام أكثر من مرتين، بيتم إغلاق الأوردر كمرتجع وإرجاعه لينا.
ولضمان استلام الأوردر بسهولة، ياريت تتأكدي إن رقم الموبايل متاح وقت ميعاد التسليم المتفق عليه. لأن لو مندوب شركة الشحن وصل لمكان التسليم بعد التنسيق المسبق ومقدرش يتواصل معاكي بسبب إن التليفون مقفول، أو خارج التغطية، أو لأي سبب بيمنع التواصل، بيتم إغلاق الأوردر كمرتجع وإرجاعه لينا.
لو واجهتك أي مشكلة أثناء التوصيل
إحنا بنتعامل بشكل مباشر مع شركة الشحن من خلال خدمة العملاء الخاصة بيها، ومبيكونش لينا تواصل مباشر مع المناديب ولا نعرفهم بشكل شخصي.
فلو حصل أي موقف غير لائق من مندوب التوصيل، فهو أكيد غير صادر مننا وميرضناش أبدًا إن يحصل معاكي موقف زي ده.
بلغينا باللي حصل، وإحنا هنتواصل مع شركة الشحن وهنحاول نساعد في حل المشكلة في أسرع وقت بإذن الله.
ولو عندك أي استفسار عام بخصوص الشحن أو الأوردر، تقدري تتواصلي معانا في أي وقت من خلال صفحاتنا على السوشيال ميديا، وإحنا هنكون مبسوطين بمساعدتك. 🤍🤍
أسعار الشحن
بتختلف تكلفة الشحن حسب المحافظة ومكان التوصيل.
والجدول التالي بيوضح تكلفة التوصيل للأوردر داخل مصر.
| المنطقة | سعر التوصيل |
|---|---|
| القاهرة والجيزة | 60 جنيه |
| وجه بحري الإسكندرية – البحيرة – الشرقية – الغربية – دمياط – المنوفية – كفر الشيخ – الدقهلية – القليوبية – الإسماعيلية – بورسعيد – السويس | 70 جنيه |
| شمال الصعيد الفيوم – بني سويف – المنيا – أسيوط – سوهاج | 90 جنيه |
| جنوب الصعيد قنا – الأقصر – أسوان | 90 جنيه |
| الأماكن البعيدة سيناء – مرسى مطروح – الوادي الجديد – البحر الأحمر | 100 جنيه |
إحنا موجودين دائمًا علشان نساعدك
هدفنا إن أوردرك يوصلك بأسرع وقت وبأفضل تجربة ممكنة، ولو احتجتي أي مساعدة أو كان عندك أي استفسار في أي خطوة من خطوات الشحن، إحنا موجودين دائمًا علشان نساعدك. 🤍🤍